admin
– விளம்பரம் –
கடந்த ஆண்டு இந்தியாவில் நடைபெற்ற 2025 ஐ.பி.எல் கிரிக்கெட் தொடரின் போது சஞ்சு சாம்சனுக்கு ஏற்பட்ட காயம் காரணமாக ராஜஸ்தான் ராயல்ஸ் அணியில் 14 வயதில் வைபவ் சூர்யவன்சி ஐ.பி.எல் போட்டிகளில் அறிமுகமானார். இதன்மூலம் மிக இளம் வயதில் ஐ.பி.எல் போட்டிகளில் அறிமுகமான வீரர் என்ற வரலாற்று சாதனையையும் நிகழ்த்தியிருந்தார். அதோடு தான் சந்தித்த முதல் பந்தை சிக்ஸருக்கு அடித்த அவர் குஜராத் டைட்டன்ஸ் அணிக்கு எதிரான போட்டியின் போது 35 பந்துகளில் சதம் அடித்து மாபெரும் சாதனையை நிகழ்த்தியிருந்தார். இப்படி அவரது இந்த சிறப்பான ஆட்டம் பலரது மத்தியிலும் பாராட்டுகளை பெற்றிருந்தது.
வைபவ் சூர்யவன்ஷி நிகழ்த்த காத்திருக்கும் சாதனை :
அதனை தொடர்ந்து தற்போது நடைபெற்று வரும் 2026 ஐ.பி.எல் தொடரில் ராஜஸ்தான் ராயல்ஸ் அணியின் நட்சத்திர துவக்க ஆட்டக்காரராக விளையாடி வரும் அவர் தொடர்ச்சியாக ரன் குவித்து வருவது அந்த அணிக்கு மிகப்பெரிய பலமாக மாறியுள்ளது. பெரிய பந்துவீச்சாளர்களுக்கு எதிராகவும், பெரிய அணிகளுக்கு எதிராகவும் அவர் அதிரடியாக விளையாடுவது பலரது மத்தியிலும் பாராட்டுகளை பெற்று வருவதோடு இந்திய அணிக்காக அவர் விரைவில் தேர்வு செய்யப்பட வேண்டும் என்கிற ஆதரவுகளையும் குவித்து வருகிறது.
– விளம்பரம் –
அந்த வகையில் இந்திய அணிக்காக அவர் இன்னும் சில மாதங்களில் அறிமுகமாகவும் வாய்ப்புள்ளதாகவும் தகவல்கள் வெளியாகி வருகின்றன. இந்நிலையில் நாளை ஏப்ரல் 19-ஆம் தேதி கொல்கத்தா நைட் ரைடர்ஸ் அணிக்கு எதிரான போட்டியில் விளையாடிய காத்திருக்கும் அவர் தேவ்தத் படிக்கலின் மாபெரும் சாதனை ஒன்றினை தகர்க்கும் வாய்ப்புக்காகவும் காத்திருக்கிறார். அந்த வகையில் அவர் நிகழ்த்தப்போகும் சாதனை யாதெனில் :
டி20 கிரிக்கெட் போட்டிகளை பொருத்தவரை ஒட்டுமொத்தமாக இந்திய வீரர் சார்பாக அதிவேகமாக 1000 ரன்களை கடந்த வீரர் என்ற சாதனையை தேவ்தத் படிக்கல் தன்வசம் வைத்துள்ளார். படிக்கல் டி20 போட்டிகளில் 25 இன்னிங்ஸ்களில் 1000 ரன்களை எட்டியிருந்தார். இவ்வேளையில் வைபவ் சூர்யவன்ஷி இதுவரை 23 ஆட்டங்களில் மட்டுமே விளையாடியுள்ள வேளையில் 901 ரன்கள் குவித்துள்ளார்.
– விளம்பரம் –
இதையும் படிங்க : கிரிஸ் கெயில் மற்றும் ரோஹித் சர்மா ஆகியோருக்கு அடுத்து விராட் கோலி நிகழ்த்தவுள்ள – மாபெரும் சாதனை
இதன் காரணமாக நாளைய கொல்கத்தா அணிக்கு எதிரான போட்டியில் அவர் 99 ரன்கள் அடிக்கும் பட்சத்தில் 24 இன்னிங்ஸ்களில் 1000 ரன்களை பூர்த்தி செய்து டி20 போட்டிகளில் இந்திய வீரர் சார்பாக அதிவேகமாக 1000 ரன்களை குவித்த வீரர் என்ற சாதனையை நிகழ்த்த வாய்ப்புள்ளது. ஒருவேளை நாளைய போட்டியில் அவரால் இந்த சாதனையை முறியடிக்க முடியாமல் போகும் பட்சத்தில் அடுத்த போட்டியில் ஆயிரம் ரன்களை பூர்த்தி செய்து தேவ்தத் படிக்கலுடன் சமன் செய்யும் வாய்ப்பும் அவருக்கு இருக்கிறது என்பது குறிப்பிடத்தக்கது.
விளம்பரம்
