மேலும் எங்கே பார்த்தாலும் கஞ்சா போதை பொருள் எங்கு பார்த்தாலும் பெருகி இருக்கிறது. வருங்காலம் அழிந்து விடுமோ என்கிற சூழ்நிலையில் பெண் குழந்தைகள் முதல் பெரியவர்கள் வரை ஒரு பாதுகாப்பு இல்லாத சூழ்நிலை இருக்கிறது. தமிழ்நாட்டில் இருண்ட ஆட்சி நடைபெற்றுக் கொண்டிருக்கிறேன். அது வீழ்த்த அமைந்திருப்பது தேசிய ஜனநாயக கூட்டணி.” என்று தெரிவித்தார்.

இந்நிலையில், தேசிய ஜனநாயக கூட்டணியில் அமமுக சார்பில் போட்டியிடும் 11 தொகுதிகளுக்கான வேட்பாளர்களின் பட்டியலை அவர் வெளியிட்டார். அதன்படி மடத்துக்குளம் – முன்னாள் அமைச்சர் சண்முகவேல், சைதாப்பேட்டை – முன்னாள் அமைச்சர் செந்தமிழன், திருச்சிராப்பள்ளி மேற்கு – முன்னாள் எம்எல்ஏ ராஜசேகரன், பெரியகுளம் தனிப்பகுதி – முன்னாள் எம்எல்ஏ டாக்டர் கதிர்காமு, பொட்டப்பிடாரம் தனி தொகுதி – முன்னாள் எம்எல்ஏ சுந்தர்ராஜ், பூந்தமல்லி தனி – முன்னாள் எம்எல்ஏ ஏழுமலை, மன்னார்குடி – S.காமராஜ், திருவையாறு – வேலு கார்த்திகேயன், திருப்பத்தூர் ஞானசேகரன், நாங்குநேரி – இசக்கிமுத்து, காரைக்குடி – தேர் போகி பாண்டி ஆகியோர் போட்டியிடுகின்றனர்.

இதில் முக்கியமாக மூன்று திமுக அமைச்சர் தொகுதிகளில் அமமுக வேட்பாளர்கள் போட்டியிடுகின்றனர். அதில் சைதாப்பேட்டை – மா.சுப்பிரமணியன், மன்னார்குடி – டி.ஆர்.பி.ராஜா, திருச்சி மேற்கு – கே.என். நேரு ஆகியோர் எம்.எல்.ஏக்களாக உள்ள தொகுதிகளில் அமமுக வேட்பாளர்கள் களமிறங்குகின்றனர்.