Harbhajan Singh Luxury House: இந்திய கிரிக்கெட் வீரர் ஹர்பஜன் சிங், தனது மனைவி நடிகை கீதா பஸ்ரா, மற்றும் இரண்டு குழந்தைகள் ஆகியோருடன் ஜலந்தரில் வசித்து வருகிறார். பஞ்சாபில் உள்ள அவரது பிரம்மாண்ட வெள்ளை நிற பங்களாவின் உள்ளே ஒரு விசிட் போலாமா?

இந்தியாவின் முன்னாள் கிரிக்கெட் வீரர் ஹர்பஜன் சிங். இவரோட லெஜண்டரி ஸ்பின் பவுலிங்கையும், களத்தில் இவரோட ஆக்ரோஷத்தையும் யாராலும் மறக்க முடியாது. கிரிக்கெட்டுக்கு வெளியே, ‘டர்பனேட்டர்’ என்று அழைக்கப்படும் ஹர்பஜன், ஜலந்தரில் ஒரு பிரம்மாண்டமான சொகுசு பங்களாவில் வசிக்கிறார். இந்த வீடு, கிரிக்கெட்டில் அவர் பெற்ற வெற்றியையும், அதன் மீதான அவரது காதலையும் காட்டுகிறது. சுமார் 7 கோடி ரூபாய் மதிப்புள்ள இந்த பங்களா, வெறும் ஆடம்பரம் மட்டுமல்ல, வசதி மற்றும் பசுமையான நினைவுகளின் கலவையாக இருக்கிறது.ஹர்பஜனின் பங்களா, முழுவதுமாக வெள்ளை நிறத்தில் நவீன டிசைனில் தனித்து தெரிகிறது. 2010-ல் கட்டப்பட்ட இந்த பல அடுக்கு மாளிகையில், இயற்கை வெளிச்சம் தாராளமாக உள்ளே வரும்படி டிசைன் செய்துள்ளனர். இதற்காக, தரை முதல் மேற்கூரை வரை பெரிய ஜன்னல்கள், விசாலமான அறைகள், வெள்ளை மற்றும் வெளிர் நிற இன்டீரியர்கள் என வடிவமைத்துள்ளனர். இதனால், வீடு முழுவதும் நல்ல காற்றோட்டமாகவும், அமைதியாகவும், ஆடம்பரமாக இல்லாமல் ரம்மியமாகவும் இருக்கிறது.இந்த வீட்டின் முக்கிய சிறப்பம்சங்களில் ஒன்று, பிரத்யேக ஹோம் தியேட்டர். இங்கே ஹர்பஜனும் அவரது குடும்பத்தினரும் ஒன்றாக அமர்ந்து திரைப்படங்கள் பார்ப்பார்கள். இந்த தியேட்டர், வீட்டிற்கு ஒரு பிரீமியம் லுக்கைக் கொடுப்பதோடு, குடும்பத்தினர் தங்களது தனிப்பட்ட நேரத்தில் வசதியான ஆடம்பரத்தை விரும்புவதையும் காட்டுகிறது. இந்த பங்களாவின் மிக ஈர்ப்பான பொழுதுபோக்கு இடங்களில் இதுவும் ஒன்று என கூறப்படுகிறது.கிரிக்கெட் ரசிகர்களுக்கு இந்த வீட்ல ரொம்ப ஸ்பெஷலான இடம்னா, அது ஹர்பஜனின் கிரிக்கெட் நினைவுப் பொருட்கள் அறைதான். இது, அவருடைய புகழ்பெற்ற கிரிக்கெட் வாழ்க்கைக்கு ஒரு சமர்ப்பணம். இந்த அறையில், கையெழுத்திட்ட பேட்கள், கிரிக்கெட் பந்துகள், கோப்பைகள் மற்றும் விருதுகள், பிரேம் செய்யப்பட்ட புகைப்படங்கள், மறக்க முடியாத போட்டிகளின் நினைவுகள் என பல பொருட்கள் இருப்பதாகக் கூறப்படுகிறது. பஞ்சாபின் ஒரு இளம் ஸ்பின்னராக இருந்து, இந்திய கிரிக்கெட்டின் ஜாம்பவானாக மாறிய அவரது பயணத்தை இந்த அறை ஒரு மியூசியம் போல காட்டுகிறது.

இந்த பங்களாவில் அழகாக வடிவமைக்கப்பட்ட தோட்டம், செங்குத்து தோட்டங்கள், மற்றும் ஆடம்பரத்தை விட குடும்பத்தினர் ஒன்றாக நேரத்தை செலவிட வசதியான இடங்கள் உள்ளன. தனது வீடு வெறும் ஆடம்பரத்திற்காக கட்டப்பட்டது அல்ல, உணர்வுகள் மற்றும் குடும்பப் பிணைப்பை மையமாக வைத்து கட்டப்பட்டது என ஹர்பஜன் பலமுறை கூறியுள்ளார். ஒரு வீடு என்பது வாழ்ந்ததற்கான அடையாளமாகவும், தனிப்பட்டதாகவும், அர்த்தமுள்ளதாகவும் இருக்க வேண்டும் என்ற தத்துவத்தை இந்த வீட்டின் வடிவமைப்பு பிரதிபலிக்கிறது.

ஹர்பஜன் தற்போது தனது மனைவி, நடிகை கீதா பஸ்ரா மற்றும் குழந்தைகளுடன் இந்த வீட்டில் வசித்து வருகிறார். பஞ்சாபில் கிரிக்கெட் கனவுகளுடன் இருந்த ஒரு சிறுவனாக இருந்து, இந்தியாவின் புகழ்பெற்ற ஆஃப்-ஸ்பின்னர்களில் ஒருவராக உயர்ந்த அவரது பயணத்தின் சின்னமாக இந்த வீடு விளங்குகிறது.

36 பந்துகளில் சதம் விளாசிய மும்பை வீரரை தட்டித்தூக்கும் சிஎஸ்கே.. அஸ்வின் பாராட்டிய ஆயுஷ் வர்தக் யார்?

ஹர்பஜன் சிங்கின் 7 கோடி ரூபாய் ஜலந்தர் பங்களா, ஒரு சொகுசு கட்டிடம் மட்டுமல்ல. இது அவருடைய கிரிக்கெட் பயணம், குடும்ப வாழ்க்கை மற்றும் தனிப்பட்ட வளர்ச்சியின் பிரதிபலிப்பு. பிரைவேட் தியேட்டர், கிரிக்கெட் ரூம், நேர்த்தியான இன்டீரியர் என இந்த வீடு, ஒரு பிரபலத்தின் ஆடம்பரத்தையும், நெகிழ்ச்சியான நினைவுகளையும் அழகாக இணைக்கிறது.

ரூ.100 கொடுத்தால் தான் செல்ஃபி.. சிறுவர்களிடம் கண்டிஷன் போட்ட வைபவ் சூர்யவன்ஷி: கடைசியில் ட்விஸ்ட்!

Thank You