admin
ராஷ்மிகா மந்தனா, விஜய் தேவரகொண்டாவின் திருமணம் நெருங்கிய நண்பர்கள், முக்கிய உறவினர்கள் முன்னிலையில் உதய்பூர் அரண்மனையில் கோலாகலமாக நடைபெற்றது. திருமணப் புகைப்படங்கள் தற்போது இணையத்தில் வைரலாகி வருகிறது.
ராஷ்மிகா மந்தனா ஒருவழியாக மணப்பெண் ஆகிவிட்டார். அவர் விஜய் தேவரகொண்டாவை திருமணம் செய்து கொண்டார். இவர்களது திருமணம் இரண்டு விதமான கலாச்சார முறைகளின்படி (Rituals) நடைபெற்றது. இந்த முக்கிய தருணத்திற்காக, ராஷ்மிகா மிகவும் புகழ்பெற்ற ஆடை வடிவமைப்பாளர் அனாமிகா கன்னா வடிவமைத்த பாரம்பரிய பட்டுப்புடவையை அணிந்திருந்தார்.
திருமணத்தின் போது ராஷ்மிகா மந்தனா காவி (Saffron) நிறத்திலான பட்டுப்புடவையை அணிந்திருந்தார். இந்தப் புடவை ஈர்க்கக்கூடிய சிவப்பு நிற பார்டரால் (Border) அலங்கரிக்கப்பட்டு, அதன் மேல் அழகான டிசைன்கள் செய்யப்பட்டிருந்தன. புடவையின் பார்டர் மிகவும் அகலமாகவும், அதில் நுணுக்கமான ஜரிகை வேலைப்பாடுகளும் இடம்பெற்றிருந்தன.
மணக்கோலத்தில் ராஷ்மிகா மந்தனா மிக அழகாகக் காட்சியளித்தார். அவர் தனது இந்தத் திருமணத் தோற்றத்தை (Look), கனமான டெம்பிள் ஜூவல்லரி (Temple Jewellery) அணிந்து முழுமைப்படுத்தினார். நெற்றியில் பாரம்பரியமான தங்க நெற்றிப்பட்டை, அடுக்குகளாக அமைந்த தங்க ஹாரங்கள், கழுத்தை ஒட்டிய சோக்கர் (Choker) மற்றும் முத்துக்கள் பதிக்கப்பட்ட நீண்ட தங்க ஹாரம் ஆகியவற்றை அவர் அணிந்திருந்தார்.
ராஷ்மிகா மந்தனா தனது பட்டுப்புடவைக்கு இணையாக, கனமான எம்பிராய்டரி (Heavy Embroidery) வேலைப்பாடுகள் செய்யப்பட்ட பிளவுஸை அணிந்திருந்தார். இதில் தங்க நூல்களால் (Golden thread) நேர்க்கோடுகளில் (Vertical lines) நுணுக்கமான வேலைப்பாடுகள் செய்யப்பட்டிருந்தன. மேலும், இதில் மினுமினுக்கும் சீக்வென்ஸ் (Sequence) கற்களும் பதிக்கப்பட்டிருந்தன. இது பாதி கை (Half sleeves) மற்றும் ஸ்வீட்ஹார்ட் நெக்லைன் (Sweetheart neckline) கொண்டு வடிவமைக்கப்பட்டிருந்தது, இது அவரது புடவைக்கு மிகச்சரியான பொருத்தமாக அமைந்தது.
மணப்பெண் கோலத்தில் ராஷ்மிகா மந்தனா மிகவும் நேர்த்தியாகவும் (Classy), அழகாகவும் காட்சியளித்தார். பிறருடைய கண் திருஷ்டியில் இருந்து தப்பிக்க, அவர் தனது கன்னத்தில் கருப்பு நிற திருஷ்டி பொட்டு வைத்திருந்தார். தென்னிந்திய திருமணச் சடங்குகளில், மணமக்களுக்கு திருஷ்டி பொட்டு வைப்பது என்பது ஒரு முக்கியமான மரபு சார்ந்த வழக்கமாகும்.
