உடனே சற்றும் தாமதிக்காமல், தனியாருக்குச் சொந்தமான கார் உதிரி பாகங்கள் சேமித்து வைக்கப்படும் குடோனில் போலீசார் அதிரடி சோதனையில் இறங்கினர். ஒரு இடம்விடாமல் மூலைமுடுக்கெல்லாம் போலீசார் சல்லடை போட்டு தேடினர். அப்போது, பண்டல் பண்டலாக பல வேறு இடங்களில் கஞ்சா பதுக்கி வைத்திருந்தது கண்டுபிடிக்கப்பட்டது.

தொடர்ந்து நடத்திய சோதனையில் கார் உதிரி பாகங்கள் குடோன், கஞ்சா குடோனாக செயல்பட்டதும் அம்பலமானது. இறுதியில், 100 கிலோ அளவில் கஞ்சா பறிமுதல் செய்யப்பட்டது. இது தொடர்பாக ஜென்னி ஜேக்கப், அப்பாஸ், ரூபன் மற்றும் கேரளாவைச் சேர்ந்த நவ்பில் ஆகிய 4 பேரை போலீசார் கையும் களவுமாக கைது செய்தனர். அவர்களை காவல் நிலையம் அழைத்துச் சென்று விசாரணையை தீவிரப்படுத்தினர்.

மக்கள் நடமாட்டம் நிறைந்த பகுதியில் உள்ள குடோனில் ஒரே நேரத்தில் 100 கிலோ கஞ்சா பண்டல் பண்டலாக பறிமுதல் செய்யப்பட்ட சம்பவம் கோவையில் பரபரப்பை ஏற்படுத்தியுள்ளது.