இந்நிலையில் கடந்த 11ம் தேதி அன்று ராஜபாளையம் அருகேயுள்ள அழகாபுரி தக்காளி தோப்பு பகுதியில் தலையில் ரத்த காயத்துடன் மாரியப்பன் இறந்து கிடந்தார். தகவலறிந்து சென்ற போலீசார் உடலை மீட்டு ராஜபாளையம் அரசு மருத்துவமனைக்கு அனுப்பி வைத்தனர். பின்னர், பிரேத பரிசோதனையில் மாரியப்பன் அடித்தே கொடூரமாக கொலை செய்யப்பட்டது தெரியவந்தது. இதனால், சந்தேக மரணத்தை கொலை வழக்காக மாற்றிய போலீசார், கொலையாளிகள் யார்? கொலைக்கான காரணம் என்ன? உள்ளிட்ட பல்வேறு கோணங்களில் விசாரணையை தீவிரப்படுத்தினர்.

அதில் வடக்கு மலையடிப்பட்டியைச் சேர்ந்த முத்துலிங்கம், டேனியல், தங்கபாண்டியன் உள்ளிட்ட 5 பேர் விசாரணையில் சிக்கினர். கைதான 5 பேரும் சம்பவத்தன்று மாரியப்பனுடன் ஒன்றாக மது அருந்தி உள்ளனர். அப்போது மது போதையில் திடீரென ஏற்பட்ட தகராறில் 5 பேரும் சேர்ந்து, மாரியப்பனை மதுபாட்டில் மற்றும் கட்டையால் தாக்கி துடிதுடிக்க கொலை செய்துள்ளனர். பின்னர், உடலை அங்கேயே வீசிவிட்டு ஆளுக்கொரு திசையில் தப்பித்துள்ளனர்.