– விளம்பரம் –

அண்மையில் நடைபெற்று முடிந்த 2026 ஆம் ஆண்டிற்கான டி20 உலக கோப்பை கிரிக்கெட் தொடரினை சூரியகுமார் யாதவ் தலைமையிலான இந்திய அணி கைப்பற்றி அசத்தியது. இந்த தொடரினை வென்றதன் மூலம் மூன்றாவது முறையாக டி20 உலக கோப்பை தொடரின் சாம்பியன் பட்டத்தை வென்ற இந்திய அணி அடுத்தடுத்த டி20 உலக கோப்பையை கைப்பற்றிய முதல் அணியாகவும் வரலாற்று சாதனையை நிகழ்த்தி இருந்தது. இந்திய அணி பெற்ற இந்த வெற்றி பலரது மத்தியிலும் பாராட்டுகளை குவித்தது. அதோடு இந்திய அணிக்கு மிகப்பெரிய பரிசுத்தொகையும் பிசிசிஐ-யிடம் இருந்து கிடைத்தது.

ஜிதேஷ் சர்மாவை தாண்டி இஷான் கிஷனை தேர்வு செய்தது ஏன்? கேப்டன் விளக்கம்

இந்நிலையில் இந்த தொடர் முடிவடைந்ததற்கு பின்னதாக இந்த தொடரில் இந்திய அணி செயல்பாடு, இந்திய அணியின் தேர்வு மற்றும் இந்திய அணியின் முயற்சி என பல்வேறு விடயங்கள் குறித்து கேப்டன் சூரியகுமார் யாதவ் சில தகவல்களை அவ்வப்போது பகிர்ந்து வருகிறார். அந்த வகையில் இந்த டி20 தொடருக்கான இந்திய அணியில் விக்கெட் கீப்பர் பேட்ஸ்மேனான ஜிதேஷ் சர்மாவிற்கு வாய்ப்பு வழங்காமல் அவருக்கு பதிலாக மற்றொரு விக்கெட் கீப்பரான இஷான் கிஷனை தேர்வு செய்தது ஏன்? என்பது குறித்த சில தகவல்களை அவர் பகிர்ந்துள்ளார்.

– விளம்பரம் –

அந்த வகையில் அவர் கூறியதாவது : ஜிதேஷ் சர்மா கடந்த ஓராண்டாகவே இந்திய டி20 அணியில் தொடர்ந்து இடம்பிடித்து விளையாடி வந்தார். இந்த நேரத்தில் அவரை வெளியேற்றி இஷான் கிஷனை கொண்டு வந்தது எனக்குமே மிக கடினமான ஒரு முடிவாக தான் இருந்தது. ஆனால் அணியின் தேவைக்கு என்னவோ அதை செய்ய விரும்பியே நாங்கள் ஜிதேஷ் சர்மாவை நீக்கினோம்.

அதேவேளையில் டாப் ஆர்டரில் அதிரடியாக விளையாடும் விக்கெட் கீப்பர் பேட்ஸ்மேனான இஷான் கிஷனை கொண்டு வந்தோம். அதனால் நிச்சயம் ஜிதேஷ் சர்மா ஏமாற்றம் அடைந்து இருப்பார். இருந்தாலும் நாங்கள் அணியை சரியான முறையில் தேர்வு செய்ய வேண்டும் என்பதற்காகவே அந்த கடினமான முடிவை எடுத்தோம். உண்மையிலேயே இஷான் கிஷனை தேர்வு செய்தது ஒரு தைரியமான முடிவு தான்.

– விளம்பரம் –

இதையும் படிங்க : பழைய அணியாக இருந்தாலும் விடமாட்டேன்.. ராஜஸ்தான் அணிக்கெதிராக விளையாடுவது குறித்து – சஞ்சு சாம்சன் கருத்து

உள்ளூர் போட்டிகளில் அவர் விளையாடிய ஆட்டத்தை வைத்தும், டாப் ஆர்டரில் அவரால் சிறப்பாக செயல்பட முடியும் என்பதை கணித்து ஒரு உள்ளுணர்வின் அடிப்படையிலேயே அவரை அணியில் எடுத்தோம். அவரும் மிகச் சிறப்பான செயல்பாட்டை இந்த டி20 உலக கோப்பை தொடரில் வெளிப்படுத்தினார் என இஷான் கிஷனின் தேர்வு குறித்து சூரியகுமார் யாதவ் கூறியது குறிப்பிடத்தக்கது.

விளம்பரம்