இவர் மாஸ்டர் பட பவானியை போல கொடூர கூட்டாளிகளை வைத்து கல்லூரி மாணவர்களை அச்சுறுத்தி வந்துள்ளார். பாலமுருகனால் பாதிக்கப்பட்ட பல மாணவர்கள் போலீசில் அடுத்தடுத்து புகார் அளிக்க, இனியும் அவரை விட்டுவைத்தால், கோவை குற்ற கூடாரமாக மாறிவிடும் என களத்தில் இறங்கினர்.

சூலூர் அருகே ஒரு வீட்டில் பதுங்கி இருந்த பாலமுருகனை தனிப்படை போலீசார் பிடிக்கச் சென்றபோது, அவர் அரிவாளால் காவல் உதவி ஆய்வாளர் யுவராஜை வெட்டி விட்டு தப்பிக்க முயன்றுள்ளார். இதனால், தற்காப்பிற்காக ஆய்வாளர் பிரேம் ஆனந்த், பாலமுருகனை துப்பாக்கியால் சுட்டதில் அவரது வலது காலில் குண்டு பாய்ந்து சுருண்டு விழுந்தார். குண்டு பாய்ந்து வலியால் அலறிய பாலமுருகனை மீட்டு, சிகிச்சைக்காக சூலூர் அரசு மருத்துவமனையில் அனுமதித்த போலீசார் தொடர் விசாரணை மேற்கொண்டு வருகின்றனர்.