தமிழக வெற்றிக் கழகத்தின் தலைவர் விஜய் திருச்சி கிழக்கு, பெரம்பூர் ஆகிய இரு தொகுதிகளில் போட்டியிடுகிறார். தமிழக வெற்றிக் கழகத்திற்கு தேர்தல் ஆணையம் விசில் சின்னம் ஒதுக்கியுள்ளது. வேட்புமனுதாக்கல் செய்த கையோடு, பெரம்பூரில் விஜய் பரப்புரையும் மேற்கொண்டார்.

வேல்முருகனின்  தமிழக வாழ்வுரிமை கட்சியின் பெரம்பூர் வேட்பாளராக வேணுகோபால் போட்டியிடுகிறார்.இவருக்கு கேமிரா சின்னத்தை தேர்தல் ஆணையம் ஒதுக்கியுள்ளது. இவர் பெரம்பூர் தொகுதியில் தேர்தல் பரப்புரையின் போது TVK என்ற பெயரை தவறாக பயன்படுத்தி வாக்காளர்களிடையே குழப்பத்தை ஏற்படுத்தும் வகையில் செயல்படுவதாக புகார் எழுந்துள்ளது.

TVK என்ற பெயரை தவறாக வேல்முருகன் கட்சி வேட்பாளர் வேணுகோபால் பிரசாரத்தில் ஈடுபடுவதாக தமிழக வெற்றிக் கழகத்தின் சார்பில் பெரம்பூர் தொகுதி தேர்தல் நடத்தும் அதிகாரியிடம் புகார் அளிக்கப்பட்டுள்ளது. இந்த புகாரை பெற்ற தேர்தல் நடத்தும் அதிகாரி, தமிழக வாழ்வுரிமை கட்சியின் வேட்பாளர் வேணுகோபாலுக்கு நோட்டீஸ் அனுப்பி உள்ளார். இந்த புகார் குறித்து விளக்கத்தை 48 மணி நேரத்தி அளிக்கும் படி தேர்தல் அதிகாரி நோட்டீஸ் அனுப்பி இருப்பது பரபரப்பை ஏற்படுத்தி உள்ளது.