Vastu Tips in Tamil : ஒரு நாள் நல்லா தொடங்கினா, அந்த நாள் முழுக்க நல்லா போகும். ஆனா காலையில எழுந்ததும் நாம செய்யுற சில சின்ன தவறுகள், அந்த நாள் முழுவதையும் பாதிக்கும். காலையில் நாம் விழிக்கக்கூடாத 5 பொருட்கள் பற்றி இந்த பதிவில் பார்க்கலாம்.

காலையில் நாம் செய்யும் நல்ல விஷயங்கள், அன்றைய நாளின் சுமையை பாதியாகக் குறைக்கும். காலையில் நம் மனம் ஒரு வெள்ளைத் தாள் போல இருக்கும். எழுந்தவுடன் நாம் செய்யும் செயல்கள்தான் அதில் நிறங்களைத் தீட்டுகின்றன. பல சமயம், நமக்கே தெரியாமல் காலையில் சில தவறுகளைச் செய்துவிடுகிறோம். அது நம்முடைய நாள் முழுவதையும் பாழாக்கிவிடும். ஒவ்வொரு நாளின் தொடக்கமும் முடிவும் சிறப்பாக இருக்க, காலையில் எழுந்தவுடன் சில விஷயங்களைச் செய்வதை கண்டிப்பாக தவிர்க்க வேண்டும்.

இது பலருக்கும் இருக்கும் பழக்கம். காலையில் படுக்கையில் இருந்து எழுந்ததும் கண்ணாடியில் முகத்தைப் பார்ப்பார்கள். வாஸ்து சாஸ்திரப்படி, நாம் தூங்கும் போது, நம் உடலில் சில எதிர்மறை ஆற்றல்கள் சேர்கின்றன. கண்ணாடி அதை இன்னும் அதிகரிக்கக்கூடும். அதனால், காலையில் எழுந்ததும் கண்ணாடியைப் பார்க்காதீர்கள். அதற்குப் பதிலாக, உங்கள் உள்ளங்கைகளைப் பார்த்து,  உங்கள் இஷ்ட தெய்வத்தின் மந்திரத்தை சொல்லுங்கள்.

பலர் இரவு பாத்திரம் கழுவ சோம்பல்பட்டு, அப்படியே சிங்க்கில் போட்டுவிட்டு தூங்கிவிடுவார்கள். காலையில் அந்தப் பாத்திரங்களைப் பார்ப்பது நல்லதல்ல. நீங்கள் எழுந்ததும், சிங்க்கில் உள்ள அழுக்கு பாத்திரங்களைப் பார்த்தால், அது எதிர்மறை ஆற்றலை அதிகரிக்கும். முடிந்தவரை, இரவே அந்த வேலையை முடித்துவிடுங்கள். காலையில் சுத்தமான, அழகான சமையலறையைப் பார்த்தால், நேர்மறை ஆற்றல் அதிகரிக்கும். நாள் இனிமையாகத் தொடங்கும்.காலையில் எழுந்ததும் நின்றுபோன கடிகாரம் அல்லது பழுதான பொருட்களைப் பார்ப்பதும் நல்லதல்ல. வேலை செய்யாத கடிகாரங்கள், வாட்ச்களை குப்பையில் போடுங்கள். அல்லது, இரவே அதை சரிசெய்துவிட்டுத் தூங்குங்கள். படுக்கையறையில் தேவையில்லாத, பழுதான பொருட்களை வைக்காதீர்கள். காலையில் இவை உங்கள் கண்ணில் பட்டால், அது அசுப சகுனம். நின்றுபோன கடிகாரம் உங்கள் நேரத்தையும் வேலையையும் பாதிக்கும்.சமீபகாலமாக, வீட்டில் காட்டு விலங்குகளின் புகைப்படங்களை வைப்பது ஒரு ஃபேஷனாகிவிட்டது. ஆனால், காலையில் வன்முறையான விலங்குகள் அல்லது சோகமான படத்தைப் பார்த்தவுடன் எரிச்சல் உண்டாகும். நீங்கள் காட்டு விலங்குகளுக்குப் பதிலாக, உதிக்கும் சூரியன், பூக்கள் அல்லது அமைதியான இயற்கைக் காட்சிகளின் படங்களை மாட்டி வையுங்கள். முடிந்தவரை இதுபோன்ற படங்களையே காலையில் பாருங்கள்.

ஜோதிட சாஸ்திரப்படி, காலையில் எழுந்தவுடன் உங்கள் சொந்த அல்லது மற்றவர்களின் நிழல்களைப் பார்ப்பது அசுபமாகக் கருதப்படுகிறது. அப்படிச் செய்வதால் பயமும் மன அழுத்தமும் அதிகரிக்கும். உங்கள் நாளை வெளிச்சமாகவும் தெளிவாகவும் தொடங்க முயற்சி செய்யுங்கள். முடிந்தவரை, காலையில் எழுந்தவுடன் உங்கள் அல்லது மற்றவர்களின் நிழலைப் பார்ப்பதைத் தவிர்க்கவும்.(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)

Thank You