admin
– விளம்பரம் –
இந்தியாவில் இந்த ஆண்டு நடைபெற இருக்கும் 2026 ஐபிஎல் கிரிக்கெட் தொடருக்கான ஏற்பாடுகள் தற்போது முழு வீச்சில் நடைபெற்று வருகின்றன. எதிர்வரும் மார்ச் 28-ஆம் தேதி துவங்கும் இந்த 19-வது ஐபிஎல் சீசனானது மே 31-ஆம் தேதி வரை நடைபெறவுள்ளது. இதன் காரணமாக இந்த தொடரில் பங்கேற்க இருக்கும் 10 அணிகளும் தங்களது வீரர்களை ஒருங்கிணைத்து அவர்களது சொந்த மைதானத்தில் தீவிர பயிற்சிகளை மேற்கொண்டு வருகின்றனர்.
சன் ரைசர்ஸ் அணியின் கேப்டனாகும் இஷான் கிஷன் :
இந்நிலையில் இந்த தொடருக்கான பத்து அணிகளிலும் சில குறிப்பிட்ட முக்கிய மாற்றங்கள் நிகழ்ந்து பலரது மத்தியிலும் கவனத்தை ஈர்த்து வருகிறது. அந்த வகையில் தற்போது வெளியாகியுள்ள ஒரு தகவலின் படி சன் ரைசர்ஸ் ஹைதராபாத் அணியின் கேப்டனாக இஷான் கிஷன் நியமிக்கப்பட வாய்ப்புள்ளதாக கூறப்படுகிறது. இது குறித்த தகவலும் தற்போது வெளியாகி அனைவரது மத்தியிலும் கவனத்தை ஈர்த்துள்ளது.
– விளம்பரம் –
இப்படி இஷான் கிஷன் சன் ரைசர்ஸ் ஹைதராபாத் அணியின் கேப்டனாக நியமிக்கப்பட காரணம் யாதெனில் : அந்த அணியின் கேப்டனாக செயல்பட்டு வந்த பேட் கம்மின்ஸ் ஏற்கனவே காயம் காரணமாக டி20 உலக கோப்பை தொடரை தவறவிட்டார். அதுமட்டுமின்றி அவர் இன்னமும் முழுமையாக காயத்திலிருந்து குணமடையாததால் அவர் எப்போது ஹைதராபாத் அணியுடன் இணைவார்? என்பது குறித்த உறுதியான தகவல் எதுவும் கிடைக்கவில்லை.
இதன் காரணமாக இந்த நெருக்கடியான நிலையில் சன் ரைசர்ஸ் அணியின் ஆரம்பகட்ட போட்டிகளில் இஷான் கிஷன் கேப்டனாக வழிநடத்த உள்ளார் என்ற தகவல் வெளியாகியுள்ளது. ஏனெனில் சமீபத்தில் ஜார்கண்ட் அணியை மிகச்சிறப்பாக வழிநடத்திய இஷான் கிஷன் முதல் முறையாக சையத் முஷ்டாக் அலி தொடரின் கோப்பை கேப்டனாக கைப்பற்றி கொடுத்தார். அந்த தொடரில் மிகச் சிறப்பான ஆட்டத்தை வெளிப்படுத்திய அவர் பேட்டிங்கிலும் 517 ரன்கள் குவித்து அசத்தியிருந்தார்.
– விளம்பரம் –
இதையும் படிங்க : 2018-லயே வருணை எடுக்க சொல்லி கேட்டேன்.. ஆனா அவங்க என் பேச்சை மதிக்கல – ஹர்பஜன் சிங் பகிர்ந்த தகவல்
அதன் காரணமாக 2026 டி20 தொடரிலும் இடம் பிடித்து 317 ரன்கள் குவித்து அசத்திய அவர் தனது திறனை மிகச்சிறப்பாக வெளிப்படுத்தியிருந்தார். அதன் காரணமாக அவரை சன் ரைசர்ஸ் அணியின் நிர்வாகமும் கேப்டனாக நியமிக்கப்பட விரும்புகிறது. இதனாலே 2026 ஐபிஎல் தொடரின் ஆரம்பகட்ட போட்டிகளில் சன் ரைசர்ஸ் அணியின் கேப்டனாக இஷான் கிஷன் நியமிக்கப்பட உள்ளார் என்றும் கூறப்படுகிறது.
விளம்பரம்
