வீடியோவில் அவர் பேசியிருப்பதாவது; “முதல்முறையாக வாக்களிக்க இருக்கும் முதல் தலைமுறையினர், வரும் 23ஆம் தேதி வாக்கு செலுத்துவதற்கு முன்பு ஒரு நிமிடம் சிந்திக்க வேண்டும். கல்லூரியில் சேர்வதற்கு முன்பு சிந்தித்து சேரும் திறமைமிக்கவர்கள், உங்களுக்கான அரசை தேர்ந்தெடுக்கும்போது, அது எவ்வளவு முக்கியம் என்பதை உணரவேண்டும். நீங்கள் தவறானவரை தேர்ந்தெடுத்தால், அது உங்களை மட்டுமின்றி உங்களின் அடுத்த தலைமுறையினரையும் பாதிக்கும்.

திமுகவின் கடந்த ஐந்து வருட ஆட்சியில் பள்ளிக் கல்வித்துறை சீரழிந்துவிட்டது. மாணவர்கள் இடையே போதை கலாச்சாரம் அதிகரித்துவிட்டது. எனவே இரண்டு கட்சிகளையும் சீர்தூக்கிப் பார்த்து எதிர்காலத்தை சிந்தித்து, வாக்களிக்க வேண்டும். திமுகவை விரட்ட வேண்டும் எனும் எண்ணத்தில் இருக்கும் நீங்கள் வேறு யாருக்கும் உங்கள் வாக்கை செலுத்தி வீணடிக்காமல், என்.டி.ஏ. கூட்டணிக்கு வாக்களிக்க வேண்டும்” இவ்வாறு பேசியுள்ளார்.