எடப்பாடி பழனிசாமி, என்னை நேரடியாக கெட்ட வார்த்தை சொல்லிதான் பேசவில்லை. நான் என்ன சொன்னேன். நீங்கள் பாஜகவுக்கு மிகவும் அடிமையாக இருக்கிறீர்கள். பாஜக என்ன சொன்னாலும் கேட்கிறீர்கள். தமிழ்நாட்டின் உரிமைகளை விட்டுக் கொடுக்க வேண்டாம். இப்படி இருக்க வேண்டாம். தமிழ்நாட்டு மக்கள் மிகவும் முக்கியம். நம்முடைய மாநில உரிமைகள் முக்கியம்.

முரட்டுத் தொண்டர்களைப் பார்த்துப் பார்த்திருப்போம். முரட்டு பக்தர்களைப் பார்த்திருப்போம். முரட்டு அடிமையைப் பார்த்திருக்கிறீர்களா? நீங்கள் பாஜகவின், மோடியின் ஒன்றாம் நம்பர் முரட்டு அடிமை என்று சொன்னேன்.

டெல்லிக்குப் போனால் நான்கு கார் மாறிப் போகிறீர்கள். முகத்தை மூடிக்கொண்டு வெளியில் வருகிறீர்கள். தமிழ்நாட்டு மக்களுடைய உரிமைகளைப் பற்றி யோசியுங்கள் என்று சொன்னேன்.

இதற்கு அவர், உதயநிதிக்கு என்ன அரசியல் அனுபவம் இருக்கிறது? உண்மைதான், எனக்குப் பெரிய அனுபவம் கிடையாது. பதவிக்காக யார் காலில் விழுந்த அனுபவமும் எனக்குக் கிடையாது. சங்கிக் கூட்டத்துக்குப் பயப்படுகிற அனுபவம் எனக்குக் கிடையாது. நான் என்றைக்குமே மக்களோடு மக்களாக இருப்பேன் என்றேன்.

இதற்கு அவர், உதயநிதி பால் டாயில் சாப்பிட்டு எப்பொழுதோ செத்துப் போயிருக்க வேண்டும். ஏன் இங்கே இருந்து என் உயிரை வாங்குகிறார்? என்கிறார். எப்போதும் அவருக்குப் பால் டாயில் நினைப்பாகவே இருக்கிறது. அது ஏன் என்று எனக்குத் தெரியவில்லை. தற்போதே தேர்தல் முடிவு  அவருக்குத் தெரிந்திருக்கிறது. இத்தனை நாள் வரைக்கும் பாதம் தாங்கி பழனிசாமியாக இருந்தவர், இன்று பால் டாயில் பழனிசாமியாக மாறியிருக்கிறார்” இவ்வாறு பேசினார்.