– விளம்பரம் –

கடந்த மார்ச் 28-ஆம் தேதி இந்தியாவில் துவங்கிய நடப்பு 2026-ஆம் ஆண்டிற்கான ஐ.பி.எல் கிரிக்கெட் தொடரின் 19 சீசனானது தற்போது விறுவிறுப்பாக நடைபெற்று வருகிறது. மொத்தம் பத்து அணிகள் பங்கேற்று விளையாடி வரும் இந்த தொடரின் இறுதிப்போட்டி வரை சென்று எந்த அணி கோப்பையை கைப்பற்றும்? என்பது குறித்த எதிர்பார்ப்பு அனைவரது மத்தியிலும் உச்சத்தைத் தொட்டுள்ளது.

டெல்லி அணிக்கு திரும்பும் மிட்சல் ஸ்டார்க் :

இந்த தொடரின் பாதி போட்டிகள் நடைபெற்று முடிந்துள்ள வேளையில் ஒவ்வொரு போட்டியுமே மிக பரபரப்பாக சென்று கொண்டிருக்கிறது. இந்நிலையில் இந்த தொடரில் முக்கிய நட்சத்திர வீரர்கள் பலர் காயம் காரணமாக விளையாட முடியாமல் இருப்பது அந்தந்த அணிகளுக்கு பெரிய பின்னடைவாக பார்க்கப்படுகிறது.

– விளம்பரம் –

அவ்வகையில் டெல்லி கேபிட்டல்ஸ் அணியை சேர்ந்த நட்சத்திர வேகப்பந்து வீச்சாளரான மிட்சல் ஸ்டார்க் இந்த தொடரின் ஆரம்பகட்ட போட்டிகளை தவறவிட்டது அந்த அணிக்கும் மிகப்பெரிய பின்னடைவை ஏற்படுத்தியிருந்தது. ஏனெனில் இந்த தொடரில் ஓரளவு சுமாரான ஆட்டத்தை வெளிப்படுத்தி வந்தாலும் டெல்லி அணிக்கு இறுதி கட்ட ஓவர்களின் போது ரன்களை கட்டுப்படுத்தக்கூடிய வேகப்பந்து வீச்சாளர்கள் இல்லாமல் அந்த அணி தடுமாறி வருகிறது.

இவ்வேளையில் அந்த பாதிப்பை சரி செய்யும் வகையில் தற்போது மிட்சல் ஸ்டார்க் தரப்பிலிருந்து ஒரு முக்கிய அறிவிப்பு வெளியாகி உள்ளது. அந்த வகையில் காயத்திலிருந்து முழுமையாக வெளிவந்துள்ள மிட்சல் ஸ்டார்க் ஐ.பி.எல் தொடரில் விளையாட தடையில்லா சான்றிதழை ஆஸ்திரேலிய கிரிக்கெட் வாரியம் வழங்கியுள்ளது.

– விளம்பரம் –

இதையும் படிங்க : எப்போது தோனி மீண்டும் சி.எஸ்.கே அணியின் பிளேயிங் லெவனுக்கு திரும்புவார் – உண்மையை சொன்ன ஹஸி

இதன் காரணமாக அவர் விரைவில் டெல்லி கேபிட்டல்ஸ் அணியுடன் இணைந்து மே ஒன்றாம் தேதி ராஜஸ்தான் ராயல்ஸ் அணிக்கு எதிரான போட்டியில் விளையாடுவார் என்று தெரிகிறது. கடந்த சீசனின் போது 11 போட்டிகளில் விளையாடிய அவர் 14 விக்கெட்டுகளை வீழ்த்தி அசத்தியிருந்தது குறிப்பிடத்தக்கது.

விளம்பரம்