அருள் சரவணன் நடிப்பில் கடந்த 2022-ம் ஆண்டு திரையரங்குகளில் வெளியான படம் ‘தி லெஜண்ட்’. இந்தப் படம் வெளியாகி எதிர்மறையான விமர்சனங்களால் தோல்வியை தழுவியது. இந்தப் படத்துக்குப் பிறகு அருள் சரவணன் நடித்துள்ள படம் ‘லீடர்’. இந்தப் படத்தை ‘எதிர் நீச்சல்’, ‘காக்கி சட்டை’, ‘கொடி’, ‘பட்டாசு’, ‘கருடன்’ ஆகிய படங்களை இயக்கிய துரை செந்தில்குமார் இப்படத்தை இயக்கியுள்ளார்.

அண்மையில் வெளியான இந்தப் படத்தின் டீசர் ரசிகர்களிடையே வரவேற்பை பெற்றது. இந்தப் படத்தின் இறுதிக்கட்ட பணிகள் நிறைவடைந்துள்ளன. இந்தப் படத்தில் லெஜண்ட் சரவணன், பாயல் ராஜ்புத், ஆண்ட்ரியா, ஷாம், லால், சந்தோஷ் உள்ளிட்ட பலர் நடித்துள்ளனர்.

படத்துக்கு ஜிப்ரான் இசையமைத்துள்ளார். முன்னதாக இந்தப் படம் ஏப்ரல் 9-ம் தேதி வெளியாகும் என அறிவிக்கப்பட்டது. தற்போது தேதி மாற்றப்பட்டு வரும் ஏப்ரல் 3-ம் தேதி வெளியாகும் என அதிகாரபூர்வமாக அறிவிக்கப்பட்டுள்ளது.

இந்தப் படத்தை தொடர்ந்து லெஜண்ட் சரவணன் நடிக்கும் புதிய படத்தையும் துரை செந்தில்குமாரே இயக்க இருப்பதாக கூறப்படுகிறது.