– விளம்பரம் –

இந்தியாவில் நடைபெற்று வரும் நடப்பு 2026-ஆம் ஆண்டிற்கான ஐ.பி.எல் கிரிக்கெட் தொடரின் 31-வது லீக் போட்டியானது தற்போது ஹைதராபாத் நகரில் நடைபெற்று வருகிறது. இந்த போட்டியில் இஷான் கிஷன் தலைமையிலான சன் ரைசர்ஸ் ஹைதராபாத் அணியும், அக்சர் பட்டேல் தலைமையிலான டெல்லி கேபிட்டல்ஸ் அணியும் மோதி வருகின்றன.

எம்.எஸ் தோனியை முந்த காத்திருக்கும் கே.எல் ராகுல் :

அதன்படி நடைபெற்று வரும் இந்த ஆட்டத்தில் டாசில் வெற்றி பெற்ற டெல்லி கேபிட்டல்ஸ் அணியானது முதலில் பந்து வீசுவதாக அறிவித்தது. அதனை தொடர்ந்து தற்போது சன் ரைசர்ஸ் அணி விளையாடி வருகிறது. இந்நிலையில் இந்த போட்டியில் டெல்லி அணி சார்பாக பங்கேற்றுள்ள விக்கெட் கீப்பர் பேட்ஸ்மேனான கே.எல் ராகுல் ஒரு மாபெரும் மைல்கல் சாதனையை நோக்கி காத்திருக்கிறார்.

– விளம்பரம் –

அதிலும் குறிப்பாக சி.எஸ்.கே அணியின் அனுபவ வீரரான எம்.எஸ் தோனியின் மாபெரும் சாதனையை முறியடிக்கும் வாய்ப்பில் இன்று காத்திருக்கிறார். அந்த வகையில் அவர் நிகழ்த்தப்போகும் சாதனை யாதெனில் : கடந்த 2013 ஆம் ஆண்டு ஐபிஎல் போட்டிகளில் அறிமுகமான கே.எல் ராகுல் இதுவரை 150 போட்டிகளில் விளையாடி 5 சதம் மற்றும் 42 அரைசதம் என 5390 ரன்களை குவித்துள்ளார்.

இதன்மூலம் ஐ.பி.எல் வரலாற்றில் அதிக ரன்கள் அடித்த வீரர்களின் பட்டியலில் ஏழாவது இடத்தில் உள்ளார். அவருக்கு முன்னதாக தோனி 278 போட்டிகளில் விளையாடி 5439 ரன்களுடன் ஆறாவது இடத்தில் உள்ளார். தோனியின் இந்த சாதனையை முறியடிக்க அவருக்கு இந்த போட்டியில் 50 ரன்கள் மட்டுமே தேவைப்படுகிறது.

– விளம்பரம் –

இதையும் படிங்க : 5 ஆண்டுகள் 60 போட்டிகள்.. ஒருவழியாக முதல் முறையாக திலக் வர்மா பெற்ற பரிசு – விவரம் இதோ

எனவே சன் ரைசர்ஸ் அணிக்கெதிரான இன்றைய போட்டியில் அவர் 50 ரன்கள் அடிக்கும் பட்சத்தில் ஒட்டுமொத்தமாக ஐ.பி.எல் போட்டிகளில் அதிக ரன்களை அடித்த வீரர்கள் பட்டியலில் ஆறாவது இடத்தை பிடிப்பார் என்பது குறிப்பிடத்தக்கது.

விளம்பரம்