admin
– விளம்பரம் –
இங்கிலாந்து அணியின் முன்னாள் வீரரான கெவின் பீட்டர்சன் கடந்த 2004 ஆம் ஆண்டு சர்வதேச கிரிக்கெட் போட்டிகளில் இங்கிலாந்து அணிக்காக அறிமுகமாகி 2014 ஆம் ஆண்டு வரை 104 டெஸ்ட் போட்டிகள், 136 ஒருநாள் போட்டிகள் மற்றும் 37 டி20 போட்டிகளில் விளையாடியுள்ளார். அதுதவிர்த்து ஐபிஎல் போட்டிகளிலும் கடந்த 2009 ஆம் ஆண்டு முதல் 2016 ஆம் ஆண்டு வரை 36 போட்டிகளில் விளையாடியுள்ளார்.
ஐ.பி.எல் தொடரால் என்னுடைய சர்வதேச கரியர் முடிவுக்கு வந்தது : பீட்டர்சன்
சர்வதேச போட்டிகளில் அதிரடியான வீரராக மிகச்சிறந்த ஆட்டத்தை வெளிப்படுத்தி வந்த கெவின் பீட்டர்சன் தற்போது கிரிக்கெட் வர்ணனையாளராகவும் செயல்பட்டு வருகிறார். கடந்த சில ஆண்டுகளாக பயிற்சியாளர் குழுவில் இருந்த அவர் தற்போது ஐபிஎல் போட்டிகளில் வர்ணனையாளராக செயல்பட்டு வருகிறார். இந்நிலையில் தனது சர்வதேச கிரிக்கெட் கரியர் ஐபிஎல் தொடரால் தான் முடிவுக்கு வந்தது என அவர் அளித்துள்ள ஒரு பேட்டி தற்போது இணையத்தில் வைரலாகி வருகிறது.
– விளம்பரம் –
அந்த வகையில் அவர் கூறியதாவது : நான் ஐபிஎல் போட்டிகளில் விளையாட பெரிய தியாகங்களை செய்தேன். அதனால் தான் என்னுடைய கரியரையும் இழந்தேன். ஏனெனில் இங்கிலாந்து கிரிக்கெட் வாரியத்தில் இருந்த அனைவரும் எனக்கு எதிராக இருந்தார்கள். நான் 33 வயதில் 104 டெஸ்ட் போட்டிகளோடு என்னுடைய கரியரை முடித்துக் கொள்ள நேர்ந்தது. நான் நிச்சயம் 150 முதல் 160 டெஸ்ட் போட்டிகளில் விளையாடி 13,000 ரன்கள் வரை எடுத்திருக்க வேண்டும்.
ஆனால் இங்கிலாந்து வாரியம் கொடுத்த அழுத்தம் தான் என்னுடைய கரியரை முடிவுக்கு கொண்டு வந்தேன். தற்போது நான் அமைதியான வாழ்க்கையை வாழ்கிறேன். 2008 ஆம் ஆண்டு ஐபிஎல் தொடக்க சீசனில் இங்கிலாந்து வாரியத்துடன் ஒப்பந்தம் செய்த வீரர்கள் ஐபிஎல் தொடரில் பங்கேற்க தடை விதித்திருந்தது. அதேபோன்று அடுத்த ஆண்டு மூன்று வாரங்கள் மட்டுமே இங்கிலாந்து வீரர்கள் ஐபிஎல் தொடரில் விளையாட அனுமதிக்கப்பட்டது.
– விளம்பரம் –
இதையும் படிங்க : ஐ.பி.எல் போட்டிகளில் இருந்து ஓய்வு பெற்றது ஏன்? மனம்திறந்த ரவிச்சந்திரன் அஷ்வின் – விவரம் இதோ
இப்படி பல்வேறு கெடுபிடிகள் எங்களுக்கு இருந்தன. ஆனால் நான் அதையெல்லாம் மீறி ஐபிஎல் போட்டிகளுக்கு முன்னுரிமை அளித்ததால் இங்கிலாந்து கிரிக்கெட் வாரியம் எனக்கு தனிப்பட்ட வகையில் நெருக்கடியை ஏற்படுத்தி என்னுடைய கரியரை முடிவுக்கு கொண்டு வந்ததாகவும் கெவின் பீட்டர்சன் கூறியது குறிப்பிடத்தக்கது.
விளம்பரம்
