இதில் கடந்த ஞாயிறு அன்று தவெக தலைவர் விஜய், கரூர் அசாம்பாவிதம் தொடர்பாக சிபிஐ வழக்கு விசாரணைக்கு டெல்லி சென்றார். அதற்கு முன் தினமான சனிக்கிழமையில் இருந்து, என்.டி.ஏ. கூட்டணியில் விஜய்யை இணைக்க முயற்சி என தகவல்கள் வெளியாகிவந்தன.

குறிப்பாக சனிக்கிழமை திடீரென தவெக மாவட்டச் செயலாளர் அவசர ஆலோசனைக் கூட்டத்தை அக்கட்சியின் பொதுச் செயலாளர் என். ஆனந்த் கூட்டினார். இதில் பங்கேற்ற பெரும்பான்மையான மாவட்டச் செயலாளர்கள் என்.டி.ஏ. கூட்டணியில் இணை இசைவு தெரிவித்ததாக தகவல்கள் வெளியாகின.

இதனைத் தொடர்ந்து ஞாயிறு அன்று சிபிஐ விசாரணை முடிந்து தவெக தலைவர் விஜய் சென்னை திரும்பினார். பின்னர் கூட்டணி தொடர்பாக கருத்து தெரிவித்த அக்கட்சி நிர்வாகி நிர்மல் குமார், “பாஜக, அதிமுக அல்லது சசிகலா, ராமதாஸ் ஆகியோரை தமிழக வெற்றிக்கழகத்துடன் தொடர்புபடுத்தி கூட்டணி பேச்சுவார்த்தைகள் நடத்தப்படுவதாகக் கூறப்படும் தகவல்கள் முற்றிலும் உண்மைக்கு புறம்பானவை.

இந்நிலையில் இன்று சென்னையில் செய்தியாளர்களைச் சந்தித்த அதிமுக முன்னாள் அமைச்சர் ஜெயக்குமாரிடம், தவெகவுடன் கூட்டணி பேச்சுவார்த்தையா என கேள்வி எழுப்பப்பட்டது. அதற்கு பதில் அளித்த அவர், “எங்கள் பொதுச் செயலாளர் அப்படியான பேச்சுவார்த்தை நடைபெறவில்லை என தெளிவுப்படுத்திவிட்டார். இருந்தாலும், அதிமுக கூட்டணிக்கு விஜய் வந்தால் அவர் Gainer; இல்லையென்றால் loser. Gainer-ஆ loser-ஆ என்பதை அவர்தான் முடிவு செய்ய வேண்டும்” எனத் தெரிவித்தார்.