தேர்வில் மாணவிகள் வெற்றி பெற வேண்டும் என்ற நோக்கில் ஆசிரியர்கள் ஒவ்வொருவருக்கும் வெற்றி திலகம் இட்டு வாழ்த்தினர். மேலும், பல மாணவிகள் ஆசிரியர்களின் காலில் விழுந்து ஆசீர்வாதம் பெற்று தேர்வு அறைகளுக்குச் சென்றனர். இந்நிகழ்வு பள்ளி வளாகத்தில் உணர்ச்சி மிகுந்த தருணமாக அமைந்தது. திருவண்ணாமலை மாவட்டம் முழுவதும் இந்த ஆண்டு பிளஸ் 2 பொதுத்தேர்வை 27,198 மாணவ மாணவிகள் எழுதுகின்றனர். இதற்காக மாவட்டம் முழுவதும் 124 தேர்வு மையங்கள் அமைக்கப்பட்டுள்ளன என்பது குறிப்பிடத்தக்கது.